Berat Gjiimsiti pritet të ndryshojë kampionat gjatë ditëve të mbetura të merkatos së verës. Mbrojtësi shqiptar, që është në pronësi të Atalantës, pëlqehet shumë nga skuadra ruse Krasnodar.
Mediat italiane raportojnë se kjo skuadër e ka shumë seriozisht për të siguruar shërbimet e 25-vjeçarit, që sezonin e kaluar luajti i huazuar te Benevento në Serinë A (ra nga kategoria).
Trajneri Gasperini nuk e ka në planet e tij Gjimshitin, që pa u mbyllur ende afati kalimtar për transferimin e futbollistëve duhet të gjejë një destinacion të ri.
Përfaqësuesit e kuqeziut kanë rënë dakord me Krasnodarin dhe tashmë pritet edhe “ok” i Atalantës që marrëveshja të mbyllet zyrtarisht.