Një person në Tiranë ka bërë një denoncim të pazakontë në Polici. Një 37-vjeçar në kryeqytet ka kërkuar urdhër-mbrojtje, pasi akuzon ish-gruan për dhunë psikologjike.
Rasti në fjalë është denoncuar në komisariatin nr. 1 në kryeqytet. Burime zyrtare thanë se u referuan materialet në prokurori, ndërsa u plotësua kërkesë-padia për lëshimin e urdhrit të mbrojtjes për shtetasin L. T., vjeç 37.
Ai akuzon ish-gruan me inicialet E. K., vjeç 34, për dhunë psikologjike. Materialet u referuan në Gjykatën e Shkallës së Parë Tiranë “Për masa ndaj dhunës në marrëdhëniet familjare”.
