Komiteti Suprem për Projektet dhe Trashëgiminë, organi përgjegjës për organizimin e FIFA World Cup 2022 në Katar, mohoi pretendimet e përmendura në shkrimin e publikuar javën e kaluar nga gazeta britanike Sunday Times rreth mënyrës së marrjes së Katarit organizimin e Kupën e Botës.
Shkrimi (që i referohej ishpresidentit të FIFA-s Sepp Blatter) pretendonte se “ekipi përgjegjës për ofertën e Katarit për organizimin e Kupës së Botës 2022, zhvilloi një fushatë sekrete në 2010 për të zhvlerësuar ofertat e vendeve konkurrente”.
“Hetimi vërtetoi tërësisht integritetin e ofertës katariane dhe respektimin në mënyrë rigoroze nga Katari të të gjitha rregullave dhe rregulloreve të Federatës Ndërkombëtare të Futbollit (FIFA) për procesin e kandidimit dhe ofertimit të Botërorit 2018/2022” – citohet nga deklarata e Komitetit Suprem (Katarian) për Projektet dhe Trashëgiminë.
Në 2010, Katari fitoi të drejtën e organizimit të Kupës së Botës 2022, duke u bërë vendi i parë arab dhe në tërë Lindjen e Mesme që do të presë këtë event futbollistik të përmasave më të larta ndërkombëtare.
Pas përfundimit të Rusi 2018, Katari mori në dorëzim flamurin e organizimit të Botërorit 2022, gjatë një ceremonie që u zhvillua në Kremlin në prani të Emirit të Katarit Sheikh Tamim Bin Hamad Al Thani, Presidentit rus Vladimir Vladimir Putin dhe Presidentit të FIFA-s Gianni Infantino.
Në këtë ceremoni, Emiri i Katarit konfirmoi se organizimi i Kupës së Botës nga vendi i tij është arritje për mbarë arabët dhe se Doha mirëpret të gjitha vendet e globit të marrin pjesë në këtë ngjarje të rëndësishme sportive. Katari do të organizojë kompeticionin e Kupës së Botës për herë të parë në historinë e tij gjatë periudhës nëntor – dhjetor 2022.
