Një përplasje me armë mes dy grupeve kriminale raportohet në qytetin e Elbasanit.
Ngjarja e rëndë ka ndodhur mbrëmjen e së hënës rreth orës 23:10 në lagjen e njohur me emrin “Banesat”.
Sipas të njëjtave burime mësohet se është qëlluar me armë nga dy makina, njëra “Benz ML” dhe një “Chevrolet”.
Në një reagim të shkurtër policia e Elbasanit tha se nga shkëmbimi i zjarrit nuk raportohen persona të lënduar.
Në vendin e ngjarjes kanë shkuar forca të shumta të policisë ndërsa janë ngritur postblloqe për të bërë të mundur kapjen e autorëve.
Ende nuk jepen detaje lidhur me identitetin e personave të përfshirë në konflikt.
