Rreth 4 milionë njerëz në shtetin verilindor të Assamit në Indi kanë mbetur pa shtetësi pas një liste të publikuar.
Regjistri kombëtar i qytetarëve është një listë e njerëzve që mund të provojnë se kanë ardhur në këtë shtet deri më 24 mars 1971, një ditë para se Bangladeshi të shpallte pavarësinë.
Shteti i Indisë thotë se ky proces ka si qëllim të identifikojë emigrantët nga Bangladeshi. Ky veprim ka përhapur frikën e një gjuetie shtrigash kundër minoriteteve etnike në Assam. Për shkak të frikës për dhunë, zyrtarët thonë se askush nuk do të përballet me dëbim të shpejtë.
Ata thanë se do bëhet një proces i gjatë apelimi, edhe nëse miliona familje do të duhet të jetojnë në ankth derisa të marrin vendimin zyrtar për statusin e tyre ligjor.
