Jam gati për tu bërë 40 vjeç dhe të gjitha marrëdhëniet seksuale që kam kryer këto dhjetë vitet e fundit, kam qenë i dehur.
Vazhdimisht jam zgjuar pranë femrave me dhimbje koke, tolerant me veten për ç’ndodhi një natë më parë.
Më shumë momente kam harruar se sa kujtoj, por me ndërhyrjen e miqve të shqetësuar, kam kupatuar se i kam tejkaluar limitet me sjellje të papërshtatshme.
Duke pasur parasysh se piva derisa më binte të fikët, fakti se veprimet e mia nuk ishin shumë të rënda është më shumë cështje fati se inteligjence.
Kisha një partnere të rregullut gjatë kësaj periudhe, megjithëse nuk e kuptoj pse e toleronte gjendjen time të dehur. Seksi me të u bë agresiv dhe shumë shpesh ndodhte në vende të errëta. Ishim të dy në mohim të thellë dhe të pakënaqur për zgjedhjet e jetës.
Kishte dicka që nuk shkonte me cdo femër që i dukesha joshës. Unë isha mishërim i shakasë së Groucho Marx: “Nuk dua të jem pjesë e një klubi që më pranon si anëtar. Jam i shkurtër, tullac, i shëndoshë dhe me dhëmbë të prishur. Megjithatë, pas disa shishesh me verë, mund të bëhesha simpatik dhe argëtues.”
Çdo joshje varej nga një shishe e tretë, e katërt ose e pestë. Ajo që ndodhi më pas ishte gjithmonë një turbullirë, ku të gjithë që ishin përfshirë menjëherë u penduan. Tani po kërkoj ndihmë për alkoolizmin tim. Më vjen shumë turp për atë gjë që pak njerëz, me sa duket, duan të flasin – seksin e keq dhe shkatërrues.
