Teksa mediat greke raportojnë se numri i viktimave nga zjarret e frikshme që mbërthyen Athinën ka shkuar në 88, zhduket edhe misteri i dy vajzave binjake, fati i të cilave nuk dihej deri më tani.
“Kathimerini” shkruan se eshte konfirmuar tashme se dy vajzat e vogla janë ne mesin e viktimave te 23 korrikut, date qe do mbahet mend gjate ne historine e Greqise, nje nga zjarret me te tmerrshme me pasoja katastrofike qe nuk ishte pare te pakten ne dekaden e fundit.
Mediat shkruajnë se Sophia dhe Vasiliki Philippopoulos janë gjetur të përqafuara me gjyshin e gjyshen e tyre.
Më 27 korrik prindërve iu kërkua kampionët e ADN-së si dhe iu vendosën përpara sende personale të vajzave. Disa orë më vonë u konfirmua se dy vajzat kishin humbur jetën në natën tragjike, të përqafuar nga gjyshërit e tyre të cilët nuk i ishin ndarë për asnjë moment.
