Një sasi e madhe droge është sekuestruar mëngjesin e sotëm në Vlorë.
Burime nga policia thanë se janë gjetur e sekuestruar 412 kilogramë kanabis sativa.
Droga është kapur në derdhjen e lumit Vjosa dhe ishte bërë gati për tu trafikuar.
Policia ka sekuestruar edhe një sasi prej 60 litrash karburant.
Për drogën nuk është vënë asnjë njeri në pranga.
Njoftimi i plotë i policisë
Vlorë, Strukturat Policore të DVP Vlorë në bashkëpunim me Policinë Kufitare në afërsi të derdhjes së lumit Vjosa kanë sekuestruar 412.5 kg kanabis, 1 gomone dhe 60 litra benzinë.
Vijon puna për identifikimin e kapjen e autorëve të kësaj veprimtarie të paligjshme.
Materialet hetimore iu referuan Prokurorisë së Rrethit Gjyqësor Vlorë, për veprën penale ”Trafikimi narkotikëve, mbetur ne tentativë” parashikuar nga neni 283/a e 22 i Kodit Penal.
/Ora News.tv/
