Partia Demokratike akuzoi sërish sot gjyqtarin, Ardian Dvorani, si shërbëtor të kryeministrit Edi Rama dhe simbol të persekutorit politik të diktaturës në sistemin e ri të drejtësisë.
Nga selia e PD-së deputetja Izmira Ulqinaku, tha se më 13 Dhjetor 1990 me akuzën “për akte terroriste kundër pushtetit popullor” Dvorani, kërkoi dënimin me 15 vjet burg të shkodranëve që rrëzuan bustin e Enver Hoxhës.
Më 13 Dhjetor 1990 me zellin e shërbëtorit ndaj Partisë, Ardian Dvorani, akuzoi qytetarët e pafajshëm shkodranë, që kërkonin demokraci, për “akte terroriste kundër pushtetit popullor”. Ardian Dvorani, që sot ka kaluar vettingun dhe i shërben Edi Ramës më Gjykatën e Lartë, 28 vjet më parë kërkonte dënimin me 15 vjet burg për “armiqtë e popullit”, për aktin heroik të hedhjes së bustit të diktatorit në Shkodër. Qytetarët që kanë vuajtur nga persekutimi i prokurorit politik të diktaturës, Ardian Dvorani, janë ende gjallë dhe janë dëshmi ulëritëse sesi Edi Rama po mban në sistem shërbëtorët e diktaturës më të egër në Europë. Ardian Dvorani është simbol i kalbjes së sistemit të drejtësisë në vend.”
Ndërkohë ish kryeministri Berisha i dedikon një analizë konfirmimit në detyrë të Ardian Dvoranit
“Duke ndjekur farsen e procesit te dvoran-vetingut, te reformes unike ne bote, pra Orwelliane apo Sorosiane, qe ka shnderruar drejtesine ne dege te ekzekutivit te Norieges, konstatoj se Edi Rama e ka shnderruar kete proces ne nje instrument per te bere gjahun e shtrigave ndaj gjykatesve dhe prokuroreve me origjine nga veriu apo nga familje antikomuniste dhe te djathta!
Keshtu, me urdher direkt te tij, gjate dvoran-vetingut, siç po e quajne mediat kete proces te degraduar, ne varesi nga keto dy kritere jane perdorur jo dy por madje dhe tre standarte ne vleresimet e te vetuarve duke diskretituar perfundimisht procesin dhe shnderruar ate ne dvoran-veting apo ne nje instrument gjahu shtrigash per krijimin e drejtesise se ardhshme totalisht te dominuar kontrolluar strikt nga Edvin Rama dhe narkomafia qeveritare!
Por nje nga aktet me te shemtuara dhe te pista te ketij dvoran-vetingut qe udhehiqet nga krye krye kreu i meduzes Rama dhe drejtohet direkt nga dueti mafioz Xhafa i Droges-Don Agaçio, eshte perdorimi i metodave te vjetra te policise politike sekrete ne mungese te fakteve dhe argumentave te besueshme per te goditur te vetuarin e listes se zeze qe duhet qeruar” shkruan Berisha.
Pak ditë më parë Ardian Dvorani u konfirmua në detyrën e gjyqtarit të Gjykatës së Lartë nga Komisioni i Pavarur i Kualifikimit.
