Kryeopozitari Lulzim Basha është shprehur i vendosur lidhur me qëndrimin që do të mbajë PD për ligjin e Magjistraturës, i cili kërkon 84 vota pro.
Teksa është pyetur nga gazetarët lidhur me faktin nëse do të ketë konsensus me qeverinë për këtë ligj, Basha tha se opozita ka paraqitur 7 pikat e saj që duhet të zbatohen. Ai tha se PD i qëndron këtyre 7 pikave, në të kundërt sipas tij nuk ka konsensus.
“Janë dy pyetje të ndryshme dhe e para përjashton të dytën. E para na fton ne që kthimi tek institucionet e kalbura të drejtësisë ne ta bëjmë me duart tona. Ata kanë 7 pika që trajton këto kriza. Nëse ka një entitet në PS që nuk përfaqësohet nga kjo që shkelet, jo se nuk dua unë, por interesat e tyre janë të ndryshme nga reforma në drejtësi, se duan të përjashtojnë nga burgu miqtë e tyre. Nëse PS ka me të vërtetet vullnetin që t’i japë fund kapjes në drejtësisë, i ka propozimet tona. Ne jemi pro që t’i jepet jetë 7 propozimeve tona. Ne kërkojmë që mos të kemi prokurori të përkohshëm. Tani s’ka mirëkuptim. Ata s’kanë ndërmend që të zbatojnë reformën në drejtësi”, tha Basha.
[fbvideo link=”https://www.facebook.com/lulzimbasha.al/videos/1982707255113779/” width=”500″ height=”400″ onlyvideo=”1″]
