Një grup artistësh, mes tyre emra të njohur si Robert Ndrenika, Luftar Paja, Alfred Trebicka, Leka Bungo, Albert Minga, Arben Derhemi, por edhe djali i të Kadri Roshit, Kliti Roshi, regjisori Spiro Duni, aktorët Artan Imami, Sotiraq Bratko, Zamira Kita e të tjerë, i janë drejtuar sot me një peticion Presidentit të Republikës, Ilir Meta dhe krerëve më të lartë të shtetit në vend, si dhe Delegacionit të Komisionit Europian në Tiranë, ku shprehin vullnetin e tyre pro shembjes së godinës së Teatrit Kombëtar dhe ndërtimit të një Teatri të ri.
“Ne aktorët, regjisorët dhe përfaqësuesit e artit skenik shqiptar, dëshirojmë t’iu bëjmë me dije dhe të shprehim vullnetin tonë me anë të këtij peticioni të hapur, se jemi për ndërtimin e një Teatri të ri Kombëtar, bashkëkohor dhe modern, ku t’i shërbej të gjithë komunitetit artistik teatror dhe publikut artdashës.
Ritheksojmë, se jemi për ndërtimin e një Teatri të ri Kombëtar, modern dhe bashkëkohor, në truallin e tij dhe pa cenuar asnjë centimetër të kësaj prone. Le të mos humbasim me kohë, por t’i japim Tiranës dhe Shqipërisë Teatrin Kombëtar të ardhmes”, shkruhet në peticion, ku janë listuar më pas emrat dhe firmat e artistëve.
Peticioni i drejtohet edhe Kryetarit të Kuvendit, Kryeministrit, Kryetarit të Bashkisë së Tiranës, Delegacionit të Bashkimit Evropian dhe Prezencës së Organizatës për Siguri dhe Bashkëpunim në Evropë (OSBE).
Ligji për Teatrin e ri Kombëtar ëhtë miratuar nga Kuvendi pak javë më parë, ndërsa pritet përgjigja e Presidentit nëse do e dekretojë, pasi opozita i ka bërë disa herë thirrje që ta refuzojë, pasi e cilëson si aferë korruptive.
Ligji për Teatrin ka shkuar në presidencë në 10 korrik (u miratua në Kuvend në datë 5 korrik). Afati përfundimtar për t’u shprehur është e hëna e ardhshme, 30 korrik. Brenda afatit 20 ditor pas të cilit kalon në heshtje nese Presidenti nuk shprehet.
Vetë kreu i shtetit, është shprehur më herët se për dekretimin ose jo të ligjit për Teatrin, “nuk do të ndikohem nga asnjë faktor jashtë përgjegjësive që ka presidenti në mbajtjen e qëndrimeve të tilla”.
ARTISTET QE KANE FIRMOSUR PETICIONIN
1. Robert Ndrenika
2. Luftar Paja
3. Reshat Arbana
4. Alfred Trebicka
5. Spiro Duni
6. Leka Bungo
7. Albert Minga
8. Arben Derhemi
9. Altin Basha
10. Sotiraq Bratko
11. Kliti Roshi
12. Zamira Kita
13. Artan Imami
14. Leart Vasili
15. Gëzim Kame
16. Josif Papagjoni
17. Genti Kame
18. Genti Deçka
19. Arjola Basho
20. Gent Hazizi
21. Gerti Ferraj
22. Hervin Çuli
23. Suela Konjari
24. Laxarela Deti
25. Mateus Frroku
26. Paola Kodra
27. Blerta Belliu
28. Shkelqim Jaupi
29. Guri Koço
30. Klaudia Hila
31. Nelson Mulla
32. Erion Isai
33. Violeta Trebicka
34. Gazmend Paja
35. Roland Saro
36. Jorke Broka
37. Erblin Bajko
38. Olsi Bylyku
39. Edmond Lako
40. Ilir Muhametaj
41. Ledio Lako
42. Irgen Çela
43. Klesta Shero
44. Roerd Toçe
45. Ami Hansellia
46. Andon Koço
47. Jonida Beqo
48. Laid Ymeri
49. Danier Shkurti
50. Edvin Mustafa
51. Valdano Bajrami
52. Besart Cani
53. Armela Demaj
54. Engjell Hoxha
55. Ajliçe Petrela
56. Flaura Kureta
57. Madi Selimi
58. Fatjon Sulstarova
59. Ermonela Alikaj
60. Serkida Rrapollari
61. Noset Shijaku
62. Rezart Veleshnja
63. Arqile Lipe
64. Albana Perhati
65. Fatmir Xhelili
66. Sotir Stefa
67. Hasan Bregu
68. Klajdi Marku
69. Gëzim Hajdini
70. Todi Llupi
71. Miola Sitaj
72. Ahmet Pasha
