Nga Orjola Pampuri
Pese vite iu deshën Edi Rames, për të shkelur mbi gjithçka. Nëse do të bënim një bilanc të një viti, defiçiti i punës së kësaj qeverie të kapur nga “kthetrat” e Kryeministrit, do të ishte tepër i madh.
Zullumet janë aq shumë sa nuk di kë të analizosh më parë.
Check-up- i, deshtimi më i madh në sistemin shendetësor për të cilin shpenzohen miliona euro në këmbim të asnjë shërbimi, skema korruptive e listës së barnave, sherbimi ineficent në pavione, e mangësi pafund, të cilat mund të kenë vetem një fajtor; Kryeministrin pas të cilit janë ministrat përkatës si marioneta dhe klientët e tij të besuar me të cilët vijon i sigurt rrugëtimin e check-up- it dhe PPP-ve.
Biznesi një dështim i padiskutueshem falë kësaj qeverie. Në një vit u mbyllen qindra biznese, falë taksave të larta e veshtirësive që hasen falë rritjes së nivelit të varfërisë e renies së fuqisë blerëse. Madje turpi i rradhës është ai i hetimit tatimor i cili në mënyre të paskrupullt vijon aksionin e pështirë, madje edhe në ditë pushimi si një skuader e “Haxhi Qamilit” thua se po gjurmojnë trafikantet e Agron Xhafes, apo të Habilajve, shkojnë në të gjitha restorantet, (të pikasura sipas tyre me bindje të djathtë apo kontribues se të djathtës) duke kontrolluar në një kohe kur aty ndodhen klientë, duke shkaktuar me arrogancen e tyre kaos tek pushuesit. Hetimit tatimor te këtij shteti Don Kishotesk, u shpëtojnë hotelet e restorantet e miqve të kryeministrit, ministrave apo të drejtorëve. E falë këtij kaosi të pështirë të krijuar nga babëzia e paskrupullt e Kryemimistrit dhe e marionetave të tij, DASH del në përfundimin se në Shqipëri nuk vlen të investohet.
Ky është kulmi, disa i debojnë me dhunë e të tjerë e kuptojnë vetë e nuk vijnë fare. Perfundimi? Çdo ditë e më shumë ky Kryeminister e afron këtë vend drejt grahmës së fundit te frymëmarrjes.
Një vit më parë halli i madh i Kryeministrit ishte vettingu, për të cilin u votua në unanimitet të plotë me shpresën e deshiren e madhe për shtetin e së drejtës.
Por sot pas një viti, Shteti i së drejtes mund të konsiderohet totalisht i rënë. Ka rënë me vettingun e njëanshem, me mbrojtjen e bandave e trafikantëve, me përpjekjet për miratimin e ligjit për shkollen e magjistraturës, çka nuk është gjë tjetër veçse një akt i shëmtuar i cili çon drejt kapjes së drejtësisë duke i hapur rrugë klientëve, miqëve, trafikantëve të vijojnë aferat e tyre të pista e korruptive ashtu sikurse sot po vepron vettingu dhe vetë kryeprokurorja antikushtetuese.
Sot Shqipëria nuk është më një shtet i së drejtës. Drejtësia është në dorë të bandave e trafikantëve. Në pesë vite të kësaj qeverie kapitulloi gjithçka.
Shendetësia, Drejtësia, Arsimi, Biznesi e Investitoret, pra Shtyllat tek të cilat një shtet qëndron në këmbë, Sot kanë rënë.
