Aktori i njohur i serialeve turke, Can Gurzap, i ka mbijetuar një përplasjeje të rëndë nga një motor teksa kalonte rrugën në distriktin Sapanca të Sakaryas.
Ngjarja e rëndë mësohet se ka ndodhur mbrëmjen e 21 Korrikut, ndërsa aktori vijon të mbetet në spital. Pasi qëndroi për tre ditë në reanimacion, gjendja e 74-vjeçarit që pësoi lëndime kokë dhe gjoks raportohet se është përmirësuar.
Gurzap po kalonte në anën tjetër të rrugës pasi kishte parkuar makinën e tij, kur një emigrant sirian që drejtonte një motor pa targa e përplasi fuqishëm. Aktori mbeti i shtrirë në tokë dhe i mbuluar në gjak derisa sa në vendngjarje mbërriti ambulanca që e transportoi me shpejtësi në spital.
Mes dhjetëra roleve në teatër, filma dhe seriale, Can Gürzap njihet gjerësisht për rolin e Davutit në serialin “Lugina e Ujqërve”.
https://www.youtube.com/watch?v=GJEXBAIu-pE
