Operatori Shpërndarjes së energjisë elektrike ka njoftuar se ditën e sotme do të ketë ndërprerje të energjisë elektrike në disa zona të Tiranës.
Këto ndërprerje do të bëhen për shkak të punimeve që do të kryhen nga ora 10:00 deri në orën 13:00, në çelësin 35 kV të nënstacionit Mëzez, për eliminimin e rrjedhjes së gazit.
Si rrjedhojë, sipas OSHEE-së, zonat që do kenë ndërprerje të energjisë elektrike janë: Bërxullë, Domje, Bathore, Ujësjellësi Kamëz, Qerek, Tapizë, Pompat Tapizë, Breg Lumi, Reparti Ushtarak, Laknas (pjesërisht), Pompat e Antibiotikut, Privat/ Alumin, Everest, Frutikultura, Bregu Lumit, Çekrezë, Kasale, Parafabrikatet Kamëz, Valias.
