Kreu i Partisë Demokratike, Lulzim Basha, i bën thirrje qeverisë shqiptare të ofrojë menjëherë çdo ndihmë të mundshme në solidaritet me fqinjët tanë jugorë, por edhe në shenjë përgjegjësie ndaj bashkatdhetarëve tanë që janë goditur nga tragjedia e zjarrit në Greqi.
“Lajmet tronditëse nga tragjedia që ka goditur sot Athinën na kanë mbushur me hidhërim. Ngushëllime për familjet e viktimave. Lutemi që drama të ndalet këtu e të mos rritet më shumë. Në këto orë të vështira mendimet dhe lutjet e mija janë për të mbijetuarit, të lënduarit dhe të afërmit e tyre” shkruan Basha.
Athina po përjeton orë dramatike, teksa bilanci i viktima rritet nga ora në orë. Zyrtarisht raportohen 60 të vdekur dhe 156 të plagosur, mes të cilëve 11 në gjendje të rëndë.
