Drake bëri vërtet një bujë me sfidën që solli me këngën e tij të fundit “In my feelings”. Por kjo as që krahasohet me atë që po shpërndajnë të gjithë njerëzit ditët e fundit. Është mjaft e rrezikshme!
Trendi i ri quhet “Zoom” dhe adoleshentët për këtë trend janë frymëzuar nga reperi me famë botërore Lil Yachty. Në këngën e tij të fundit të titulluar “Mickey”, ai këndon fjalët “Trappin’ out the back street, runnin’ thru the pack like a track meet ZOOM.”
Adoleshentët dhe fëmijët kanë vendosur që nën tingujt e këngës në sfond, të bëjnë videot e tyre dhe t’i ngarkojnë në rrjetet sociale. Kur Lil Yachty thotë Zoom, dikush i tërheq ata nga këmbët duke i përplasur kokën në dysheme dhe duke i lënë me dhimbje dhe shenja.
Mjekët kanë dhënë alarmin që të mos i lejojnë fëmijët ta praktikojnë këtë sfidë sepse ka pasur raste të shumta që kanë përfunduar me dëme në kokë dhe qafë.
