Ditën e sotme në KPK do të zhvillohen seancat dëgjimore të dy gjyqtarëve të Gjykatës së Tiranës, Astrit Faqolli dhe Ardian Dvorani.
Në seancën e sotme para KPK-së, gjykatësi i Gjykatës së Tiranës Faqolli ka kërkuar rikonfirmim në detyrë. Gjykatësi ka qënë i pranishëm në seancë, i shoqëruar nga avokati i tij, Julian Mertiri. Sipas raportit të ILDKPI, gjyqtari ka një deklarim të saktë të ardhurash. Faqolli ka deklaruar se në 2011, ka shpenzuar 3 milion lekë për ndërtimin e një prone por sipas KPK kjo shumë nuk përputhet me atë në fatura. Gjithashtu Faqolli rezulton me hua të marrë nga shtetasi I.Rr është 1 milion lekë. Gjyqtari deklaron një apartamnet 83.8 m2 në rrugën Ali Demi në Tiranë por edhe për ka mospërputhje me deklarimin e 2006 .
Në 2006 është shprehur se ka marrë hua tek kunati, të cilën nuk e ka deklaruar pasi sipas tij e kishte shlyer dhe për këtë arsye kishte vendosur të mos e deklaronte. Ndër të tjera, Faqolli e ka shkruar deklaratën e tij duke përdorur lekë të vjetra, çka është e ndaluar në një dokument zyrta. Për dy huat e marra rezulton se ai s’ka mundësi ta këtë shlyer. Në pasurinë e tij, Faqolli numëron edhe një makinë tip Benz, vlera e të cilit i kap 5 mijë eurot, blerja e të cilës justifikohet.
Sipas KPK, Faqolli s’ka deklaruar as dy llogari të bashkëshortes. Përsa i përket vlerësimit për figurën, ka rezultuar se sipas DSIK thuhet se ai është i papërshtatshëm për të qënë gjyqtar. Por pas hetimeve të bërë mbi këtë raport, në lidhje me figurën profesionale ai rezulton i aftë. Gjithashtu ndaj Faqollit ka patur 7 ankesa por s’ka rezultuar shkelje.
Sipas avokatit Mërtiri, gjyqtari është shprehur se lekë të vjetra e lekë të reja s’njihet në banka e në shtet por përdoret në përditshmërinë por kjo ka qënë arsyeja sipas gjuhës së përditshme dhe se një deklarim i tillë ka qënë i paqëllimshëm. Përsa i përket të ardhurave të gruas, ato kanë qënë të deklaruara si te ardhura dhe nuk kanë qënë të fshehura.
Ndërsa Dvorani ka qenë objekt i një debati politik, pasi edhe pse i kishte mbaruar mandati, ai vijonte të qëndronte në Kushtetuese. Në rastin e tij, bien në sy të ardhura nga detyrime të shlyera nga një pale e tretë. Në deklarimin e pasurisë së tij, Dvorani ka marrë një hua nga prindërit që rezulton ende e pashlyer.
