Reshjet e dendura të shiut kanë shkaktuar dëme të mëdha edhe në qytetin e Fierit. Gazetari Ervis Kuçi raporton për “BalkanWeb” se si pasojë e erës së fortë janë rrëzuar disa pamë.
Në pamjet që vijnë nga qyteti i Fierit, duken disa pemë të thyera, të cilat kanë rënë mbi dy makina të parkuara në anë të rrugës.
Disa rrugë janë përmbytur, ndërkohë që raportohet edhe për dëme të tjera materiale, si pasojë e stuhisë së fortë.
Prishja e motit ishte lajmëruar nga sinoptikanët, dhe pritet që reshjet të vazhdojnë edhe të martën pothuajse në të gjithë territorin e vendit.
