Kuvendi po zhvillon seancën e fundit plenare për këtë sesion. Punimet e Kuvendit nisën në orën 10, me shumicën e karrigeve bosh.
PD njoftoi se do të ishte vetëm pak minuta në seancë për të bërë një deklaratë por ne oren 12:00, pas nje mbledhje grupi, njoftuan se do te bojkotojne. Burimet bëjnë me dije se PD nuk ndërron qëndrim dhe nuk jep konsensus për ligjin e Magjistraturës.
Ndërsa deputetët e LSI kanë kërkuar pothuajse të gjithë fjalën për të folur nga 10 minuta në seancë. I pari që iu drejtua foltores ishte Luan Rama, i cili akuzoi mazhorancën se ka futur drejtësinë në kolaps dhe ligji i magjistraturës nuk është zgjidhje.
“Vijmë tek problemi i ndryshimeve për statusin e gjyqtarëve dhe prokurorëve për të zgjidhur problemin e magjistraturës. Kush e krijoi problemin? A nuk e ngritëm zërin se kjo arrogancë dhe ky arbitraritet do të çojë në kolapsin e organve të drejtësisë. Na kërkohet sot ti kthejmë pushtet atij institucioni që të gjithë së bashku kemi qenë të bindur dhe vendosëm që jo vetëm nuk i takon pushtet por i takon përgjegjësia kryesore për situatën që është krijuar me organet e drejtësisë në sistemin e drejtësisë që është KLD.
Na thoni ti japim jetë qendrës më të inkriminuar dhe më të korruptuar të sistemit të drejtësisë dhe ti kthejmë frymëmarrjen dhe autoritetin KLD kur ligji parashikon që ky institucion të mos ekzistojë më edhe për shkak të përgjegjësisë që ka“, tha Luan Rama, nënkryetar i LSI.
Më pas, Luan Rama vijoi për disa sekonda fjalimin pa mikrofon pasi Ruçi nuk pranoi të krijojë precent edhe pse deputeti i LSI kërkoi të marrë nga koha e kolegëve për të përbyllur qëndrimin.
Seanca u ndërpre për 10 minuta me kërkesë të zotit Rama, për një mbledhje grupi të LSI. Kuvendi nuk duhet të shpërndahet pa zgjidhur problemet e drejtësisë, LSI kërkon dialog Me rinisjen e seancës pas pushimit, Lëvizja Socialiste për Integrim kërkon dialog mes aktorëve parlamentarë për t’i dhënë zgjidhje reformës në drejtësi.
Kërkesën e artikuloi nënkryertari i LSI, Luan Rama, i cili i kërkoi kreut të Kuvendit të investohet me përvojën e tij. Madje Rama tha se Kuvendi nuk duhet të shpërndahet derisa të zgjidhen problemet e reformës në drejtësi. Në përgjigje Ruçi tha se është në pritje të përgjigjes së grupit të PD dhe sapo ta ketë do të mbledhë krerët e grupeve parlamentare në dialog.
