Maxhoranca do te tentoje sot per here te fundit per kete sesion parlamentar per te votuar se bashku me opoziten 3 ligje me 84 vota. Por burimet nga selia blu bejne te ditur se deputetet demokrate do te shkojne ne seance per te mbajtur vetem nje fjalim dhe me pas do te largohen, duke bere qe ligji per Magjistraturen, Kodi Ajror dhe Kodi Rrugor te mbeten per ne shtator.
Ne nisje te seances, deputeti i LSI-se, Luan Rama propozoi qe Parlamenti te mos marre sot pushimet, por te jete i mbledhur edhe gjate gushtit derisa te gjehet konsensusi mes maxhorances dhe opozites per miratimin e ligjit te Reformes ne Drejtesi.
“Eshtë i domosdoshëm takimi i aktorëve parlamentarë në këtë moment. Ju kërkoj ju si kryetar i Kuvendit ta zgjidhni këtë situatë. Nuk është problem vetëm çështja e magjistratëve, por është problem shumë i madh Gjykata Kushtetuese. Kuvendi duhet të mos shpërndahet derisa të zgjidhen problemet e Reformës në Drejtësi”, tha Luan Rama.
Ndersa Ruçi u shpreh se “Seanca do të vazhdojë, unë do të jem në dispozicion të këtij dialogu”. “Sapo të kem një përgjigje nga PD, do të thërras një takim me grupet parlamentare, siç ju kërkuat”.
