Xherdan Shaqiri ishte një ndër yjet shqiptare më të përfolura të Botërorit të futbollit në Rusi.
Futbollisti shqiptar që përfaqësoi ngjyrat e Zvicrës, u bë temë e mediave botërore pas festimit të golit të shënuar kundër Serbisë, pasi bëri me duar simbolin e shqiponjës.
Kjo ka bërë që edhe më tepër të rrëmbejë zemrat e shqiptarëve anembanë planetit tokë, të cilët sa herë e hasim i kërkojnë autografe dhe dëshirojnë të fotografohen.
Por pas përfundimit të kampionatit të botëror, së fundi 26-vjeçari ka filluar pushimet verore në Nju jork të SHBA-ve, ku po shijon çdo moment.
Ai me këtë është takuar me shumë personalitete të njohura shqiptare, por ka gjetur pakëz kohë edhe të pozojë para fotografit shqiptar Fadil Berishës.
Lojtari është takuar gjithashtu edhe me modelen Xhesika Berberin si dhe vajzën e shkrimtarit shqiptar Ismail Kadare, Besianën.
Shaqiri është transferuar gjatë javës së kaluar tek skuadra e Liverpulit, duke braktisur ekipin e Sotke Cityt për 13.5 milionë euro.
