Kryetari i opozitës, Lulzim Basha, ka nisur një bashkëbisedim me gazetarët për çështjet e mprehta të politikës. Tema e parë për të cilën ka folur është atentati, siç e quajti ai, ndaj Teatrit Kombëtar.
Basha tha: “Historia për Teatrin ka nisur 20 vjet më parë. Dhe duhet t’ua themi 18-vjeçarëve se 20 vjet më parë ky Edi Ramë nisi procesin për të shkatërruar Teatrin Kombëtar dhe që u ndal me vullnet politik dhe ishin kryeministra socialistë.
Tani ka hedhur hapat për të realizuar ëndrrën e tijj. Është projekt mafioz së pati kënaq etjen e tij për para, se janë mbi 205 milionë euro, një shumë që nuk ta rraok mendja, më shumë se buxheti i mbrojtjes i vendeve të NATO-s dhe po ashtu, edhe një çështje inferioriteti, urrejtje ndaj artistëve. Pasi ka shkatërruar tre palë zgjedhje, ka kapur Prokurorinë e Përgjithshme, çdo media pa përjashtim, pasi ka vënë të gjitha asetet publike me PPP dhe tendera korruptivë në duart e 5 klientëve të tij, kjo ëhstë përfundimtarja për t’u shpallur pasha i pashallëkut të Shqipërisë, se sulltan nuk mund t’i them. Pse e themi këtë? Nëse lejojmë një ligj special për të shkatërruar një pronë publike dhe për t’ia dhënë një aktori të dyshuar 205 milionë euro pa gara, ky njeri nesër mund të bëjë gjithçka.
Ndiqni konferencën direkt:
