Thuhet se këngëtarja shqiptare me famë botërore, Dua Lipa dhe reperi Ledri Vula kanë qenë në një marrëdhënie dashurore para se ajo të kishte famën që ka sot. Mirëpo çdo gjë është lënë në të kaluarën dhe ata ruajnë një marrëdhënie të mirë me njëri-tjetrin dhe jo vetëm, por edhe me familjet përkatëse.
Reperi Ledri Vula duket se ruan raporte shumë të mira me prindërit e Dua dhe këtë e ka vërtetuar mbrëmjen e djeshme me anë të disa fotove të postuara nga vetë këngëtari ku shihen duke darkuar.
Së bashku me të është dhe producenti i njohur Faton Shoshi, dhe thuhet se darka ka zgjatur deri në orët e para të mëngjesit. Nuk e dimë ende nëse mes dy këngëtarëve mund të lindë një bashkëpunim por dihet që ata të dy do të jenë pjesë e festivalit ‘Sunny Hill’ i cili do të organizohet nga babai i Dua Lipës, Dukagjin Lipa.
