Tom Doshi ende nuk i ka mbyllur hesapet me drejtësinë. Ai e mori pafajësinë në datë 4 korrik por ky vendim nuk është pranuar nga organi i akuzës.
Burime për “BalkanWeb” bëjnë me dije se Prokuroria e Tiranës ka bërë ankimimin pasi sipas saj vendimi i gjykatës nuk është i drejtë. Tom Doshi duhet të dënohet për kallëzim të rremë dhe të dënohet si Mark Frroku dhe Durim Bami.
Pavarësisht kësaj mase Frroku nuk do të shkojë në burg, ndërsa për 1 vit dhe 4 muaj do të jetë në dispozicion për shërbim prove. Sakaq, edhe Bami duke qenë se ka qenë për një periudhë në burg dhe arrest shtëpie, e ka shlyer dënimin e tij.
Kujtojmë se Prokuroria e Tiranës në pretencën e saj këkoi dënimin me 1 vit burg për deputetin Tom Doshi, ish-deputetin Mark Frroku edhe për Durim Bamin.
Të tre akuzohen për kallëzim të rremë për “atentatin” e supozuar ndaj deputetit Tom Doshi. Çështja bëri bujë në vitin 2015, kur deputeti Tom Doshi tha publikisht se kishte zbuluar një atentat që do të bëhej ndaj tij.
