Kryeministri Edi Rama vazhdon të udhqejë “ëndrrën” sipas të cilës negociatat me BE janë hapur, mundësisht pa kushte. Në këtë frymë ai foli edhe sot gjatë një mbledhje të përbashkët të qeverisë së tij dhe Komisionerit Europian për Zgjerim dhe Politikë fqinjësore, Johannes Hahn.
Gjatë fjalës së tij, kryeministri Edi Rama tha se qeveria ka lexuar me vëmendje konkluzionet e KE dhe sipas tij, rruga e Shqipërisë drejt BE është e pakthyeshme.
Kryeministri, gjatë fjalës së tij, insistoi se BE ka “përcaktuar një afat të qartë për negociatat me Shqipërinë” ndërkohë që në takimin e fundit të këshillit të ministrave të BE nuk ka asnjë paragraf të vetëm që të definojë se kur Shqipëria mund të jetë gati për hapjen e negociatave ndërkohë që janë të qarta 13 kushtet që Tirana zyrtare duhet të plotësojë për arritjen e këtij qëllimi. SYRI.net
