Era Istrefi pritet të këndojë sot në hapjen e finales së Botërorit në Luzhniki Stadium, së bashku me dy artistët e tjerë të famshëm ndërkombëtarisht Will Smith dhe Nicky Jam. Ditën e djeshme ajo postoi foto nga stadiumi duke bërë provat gjenerale, ndërsa ndau edhe një moment me Ronaldinhon.
Ndërkohë dy ditë më parë këngëtarja shqiptare dhe dy bashkëpunëtorët në këngë mbajtën një konferencë për shtyp, ku nuk munguan deklaratat mirënjohëse për faktin që ishte pjesë e këtij eventi madhështor dhe sa e lumtur ndihej.
Përveç se një këngëtare mjaft e talentuar që po spikat edhe në botë, Era komentohet mjaft edhe për stilin e veçantë, që mesa duket nuk qenka fare e thjeshtë ta mbash. E dini sa mijëra euro i ka kushtuar veshja Erës? Faqja në Instagram @whattheyëearin i tregon të gjitha:
Plot 3751 euro i ka kushtuar këngëtares paraqitja në konferencë, duke mos llogaritur stilimin e flokëve dhe grimin që me siguri i ka rrumbullakosur 4000 euro.
Vetëm pak orë na ndajnë nga ndeshja e finales së botërorit dhe performancës së Erës. I urojmë asaj suksese!/Opinion.al
