Franca fiton finalen skektakolare kundër Kroacisë dhe ngre trofeun e Kupës së Botës për herë të dytë në histori.
4:2 triumfuan “gjelat” përpara 80 mijë shikuesve në “Luzhniki” të Moskës, ndërsa miliona e kanë ndjekur nga ekrani, duke mos i vënë në diskutim ndeshjen për asnjë moment. Kroatët surprizues të këtij Botërori u penalizuan edhe nga gabimet e veta në prapavijë.
Madzukiç shënoi autogol në portën e Subasiç, ndërsa Perisiç shkaktoi penallti pas prekjes së topit me dorë. Golat për “gjelat” e Didier Deschamps u shënuan nga Madzukiç ’18 (autogol), Griezmann ’39, Pogba ’59 dhe Mbappe ’65. Kroatët u përgjigjën me Perisiç ’28 dhe Madzukiç ’69.
Franca kishte dalë për herë të fundit në finale në 2006 kundër Italisë kur humbiste me penallti. Ndërsa trofeun e parë në histori e ngritën në 1998, kundër Brazilit, në shtëpinë e tyre, në atë fitore 3:0 të Zidane & Co.
