Partia Demokratike ka paraqitur sot me prova sesi hasmëria e kryeministrit Edi Rama me Teatrin dhe artistët nuk ka lindur sot, por është 20-vjeçare.
Deputetja Albana Vokshi bëri të ditur para medias sesi Rama, qëkurse u emërua ministër i Kulturës në 1998, caktoi që në fillim se godina ishte e rrezikuar nga zjarri!
Vokshi tha: “Plani i Ramës për të shembur Teatrin dhe ngritur kullën është i hershëm. Prej 20 vjetësh, Rama është armiku kryesor i Teatrit dhe artistëve. Që kur u bë ministër Kulture në 1998, Teatri dhe deningrimi i artistëve ka qënë në fokus të Ramës që ka bërë veprime konkrete kundër tij. Me të marrë detyrën 20 vite para, ai caktoi se godina rrezikohej nga zjarri dhe mbylli sallat. Dha me qera 1 dollar metri katror, Teatrin që u kioskizua dhe u kthye në bingo e kafe për shkak të lidhjeve të paligjshme të Ramës.
Edhe kundërshtia e tij me Majkon për Teatrin është 20-vjeçare se ish-Kryeministri ishte në krah të artistëve. Rama devijoi qëllimshëm çdo fond të donatorëve për Teatrin. Këtë e bëri dhe si kryetar bashkie kur promovoi ndërtimin me koncesion të Teatrit.
Si kryeministër edi Rama i mashtroi artistët e qytetarët që u kishte premtuar rikonstruksionin e plotë të Teatrit. Tani, 34.2 milionë euro është fitimi minimal për një kullë. Ndërsa fitimi i përgjithshëm i planifikuar nga Edi Rama për 6 kulla është të paktën 205 milionë euro!”
[fbvideo link=”https://web.facebook.com/lulzimbasha.al/videos/1960146757369829/” width=”500″ height=”400″ onlyvideo=”1″]
