40 të rinj çek nga disa universitete të ndryshme, punojnë me Agjencinë Kombëtare të Bregdetit në Malet e Kurveleshit duke markuar shtigje të reja.
Tashmë një shteg i ri mund të përshkohet nga Nivica drejt Finiqit, kryeqendra e Epirit Antik si dhe Butrintit duke ringjallur kështu përsëri rrugët e karvaneve dhe shtigjet antike.
Kjo rrugë e markuar dhe e hedhur në koordinatat GIS, shumë shpejt do të jetë një atraksion i ri ku të apasionuarit me ngjitjet apo rrugëtimet në male mund të ecin nga Butrinti drej Finiqit, Qafa e Skerficës, Fushë-Bardhë, Zhulat-Kaparjel, Golem, Nivicë.
Nga kjo rrugë kaluan edhe ushtritë Normane të udhëhequra nga Bohemundi Princi i Antiokut i cili sipas përshkrimeve të Anna Kommnenës (e bija e Perandorit Aleks Kommneni), ishte një prej prijësve legjendarë të kryqëtarve që mbërritën në Konstandinopojë.
Ndoshta ky shteg mund të promovohet si Shtegu i Normaneve dhe shumë shpejt do të ketë tabelat orientuese si dhe tabelat historike./Ata
