Kristiano Ronaldo mund të quhet tashmë lojtar i Juventusit. Prej dy ditësh mediat spanjolle dhe ato italiane i mëshojnë faktit se lojtari ka arritur një marrëveshje me klubin italian dhe për katër vitet e ardhshme do të luajë në Torino me “Zonjën e Vjetër”.
Ish-drejtori i përgjithshëm i Juventusit, Luciano Moxhi, beson që ylli i Realit të Madridit, Kristiano Ronaldo, “tashmë ka nënshkruar për Juventusin dhe ka kryer testet mjekësore në Mynih”. Lajmet për kalimin e fituesit të “Topit të Artë” për 100 milionë euro në Juventus janë duke u vërtetuar edhe më shumë pasi që drejtori sportiv i Juves, Bepe Marota ka ndezur këto lajme me përgjigjen e tij “pa koment” për gazetarët.
Dje Moxhi kishte hedhur dyshim për këto shkrime, por sot ai ka ndryshuar tonin e tij. Ai ka folur për televizionin “7Gold” për këtë temë, ku u pyet se pse duhet të shpenzohen kaq shumë para për një lojtarë 33 vjeçar. Megjithatë, Moxhi ka shkruar në Tëitter këtë mbrëmje duke shkruar: “Ky është qëndrimi i im, ai tashmë ka nënshkruar me ne dhe i ka kryer testet mjekësore në Munich”.
Një deklaratë e tillë e Moxhit mund të merret si fakt i kryer, nisur nga informacionet që “dhelpra” e futbollit italian ka në klubin e Juventusit dhe në futbollin italian. Referuar qëndrimit të Moxhit, por edhe të drejtorit aktual Marota, mund të besohet se Ronaldo mbetet vetëm të prezantohet tek bardhezinjtë e Serisë A italiane.
