Mediat greke: Çamëria ‘nuk ekziston më’, ja nga çfarë hoqi dorë pala greke si këmbim

Mediat greke kanë publikuar disa detaje rreth marrëveshjes së Greqisë me Shqipërinë. Bëhet fjalë për një marrëveshje paketë që synon të zgjidhë çështjet ‘e nxehta’ mes dy vendeve.

Sipas Protothemas, pala greke ka pranuar që të heqë termin “Epiri i Veriut”, megjithatë kjo nuk është e konfirmuar zyrtarisht. Nga ana tjetër, edhe Shqipëria nuk do të përdorë më termin Çamëria, shkruan gazeta greke.

“Shumë nga këto prona të bllokuara nga ligji i luftës, janë në Janinë, Selanik dhe në disa zona të rajonit të Thesalisë. Sipas një vlerësimi jo zyrtar, vlera e tyre është rreth 15 milionë euro”, shkruan media greke, Protothema

Në të dyja rastet, thuhet në artikull, nuk do të ketë pretendime formale territoriale. Edhe për çështjen e pronave do të ketë një pakt, por nuk do të ketë bëjë me kërkesat çame për pretendime territoriale.