Pas një fushate të lodhshme propagandistike, për të bindur shqiptarët se vendimi i Këshillit Europian ishte një fitore e madhe për qeverinë e tij, duket se Edi Rama i ngelur në grackën e kushteve të rënda dhe të pa negociueshme të Brukselit, po përpilon me shpejtësi një strategji të re.
Së fundmi janë shtuar shumë zërat që thonë, se nën rrogoz ai po bëhet gati që të negociojë arritjen e një marrëveshje të re me Lulzim Bashën, si ajo e post-Çadrës vitin e kaluar, me të vetmin qëllim; edhe kësaj here tu hedh hi syve ndërkombëtarëve dhe të marrë sërish një vaksinë mbijetese deri në zgjedhjet e ardhshme lokale. Se çfarë prodhoi ajo marrëveshje dhe kush doli i fituar prej saj, tashmë e dinë të gjithë shqiptarët dhe veçanërisht demokratët.
Gjithsesi këtyre zërave u është bashkuar, edhe ambasadorja në ikje e BE-së në Tiranë, Romana Vlahutin, e cila çuditërisht foli sot, ndërkohë që pak ditë më parë gazetarëve që e pyetën për kushtet që vuri Komisioni Europian, e delegoi përgjigjen te pasardhësi i saj që mbërrin së shpejti.
Sipas Vlahutin, Shqipërinë e pret një vit shumë i vështirë dhe nëse ajo kërkon që t’ja dalë mbanë në hapjen e negociatave që në muajin qershorin të vitit 2019, atëherë duhet sa më shpejtë një marrëveshje politike, Rama-Basha.
Ambasadorja në ikje e cila është bashkëpërgjegjëse për raportin e sheqerosur të rekomandimit, duke fshehur realitetin që zbuluan vendet anëtare në samitin e Strasburgut (Korrupsioni i niveleve të larta dhe kapja e shtetit nga krimi i organizuar), duke se po përdoret edhe njëherë të fundit nga Edi Rama.
‘Do të keni një sfidë të madhe dhe kjo është politika. Ky proces kërkon që të ketë bashkim, jo bashkim retorik, jo bashkim në kuptimin e të folurit për objektiva të përbashkëta. Duhet të jetë një objektiv i mirëfilltë kombëtar, për të cilën punon gjithkush. Integrimi Europian nuk është për njerëz që kanë programe apo axhenda të fshehura.
Është me rëndësi që të punohet për këtë unitet. Është përgjegjësi qoftë e shumicës dhe e pakicës. Mendoj se shumica duhet të shtrijë dorën gjithë kohën, sepse është e rëndësishme të krijojë një dialog për këtë bashkim kombëtar sepse pa këtë ky është një proces shumë i vështirë, thuajse i pamundur”, zbuloi ajo në fjalën e saj sot në një tryezë të mbledhur për situatën politike në vend, pas goditjes që morri nga BE, qeveria Rama.
