Sot do të zhvillohen dy ndeshjet e radhës të fazës së 1/8-ave të finaleve të Kupës së Botës.
Brazili do të luajë në “Arena Samara” kundër Meksikës në orën 16:00.
Brazilianët e mbyllën grupin si kryesues, ndërsa Meksika bëri surprizën e parë të këtij Botërori, duke mundur Gjermaninë.
Për këtë arsye ky takim pritet të jetë mjaft interesant, dhe jo një “shëtitje” për Neymarin dhe shokët e tij.
Sfida e mbrëmjes do të jetë ajo mes Belgjikës dhe Japonisë, e cila do të luhet në “Rostov Arena” në orën 20:00.
Në letër duket një provë e lehtë për belgët, por ky Botëror ka treguar se nuk ka ekipe të dobëta dhe surprizat nuk kanë munguar.
Fituesit e të dy çifteve, Brazil-Meksikë dhe Belgjikë-Japoni do të përballen mes tyre në çerekfinale.
