Rusia ia doli të eleminonte Spanjën në fazën e 1/8 të Botërorit, por vetëm pas gjuajtjeve të 11-metërshave. Në përfundim të ndeshjes, Fedor Smolov, komentoi fitoren e përfaqësueses së tij. Ai ishte goditësi i parë i penalltisë për kombëtaren vendase.
“Është e vështirë të besoj që ja dolëm vërtetë, jemi shumë të lumtur. Të gjithë thonin se ishin gati të vdisnin në fushë dhe është ajo që bëmë. Pavarësisht se jo të gjithë mundën të aktivizohen, çdo njëri prej nesh ka dhënë më shumë se 100% të mundësive dhe tani ndodhemi në çerekfinale. Faleminderit të gjithë atyre që na kanë mbështetur”, deklaroi Smolov.
