Kroaci – Danimarkë dihej që do të ishte një ndeshje e fortë he e luftuar, sidomos në mesfushë. Por askush nuk e kishte menduar se brenda 4 minutave do të ishin shënuar dy gola. Ishin danezët që kaluan në avantazh që në minutën e parë kur Mathias Jorgensen dërgoi topin në rrjetë nga fare pranë portës pas një rrëmuje të shkaktuar në zonë.
Por rezultati nuk do të qendronte i tillë për shumë, pasi Mario Mandzukic shfrytëzoi një “pasim” të artë që i erdhi aksidentalisht nga një rrëmujë e “gatuar” nga mbrojtësit danezë për të mposhtur Schmeichel dhe ekulibruar takimin.
Duhet të kalonin mbi 20 minuta që të krijohej një tjetër rast për shënim kur Martin Braithëaite provoi të rikthente të tijët në avantazh me një gjuajtje pothuajse në pikën e penalltisë, por Subasic u tregua i zoti të bllokonte.,
Dy minuta më vonë ishte Rakitic që lëshoi një goditje të fortë nga jashtë zone, por Schmeichel grushtoi topin. Në të 39’ Lovren goditi bukur dhe saktë me kokë një top të ardhur nga një goditje dënimi, por topi përfundoi për pak jashtë.
Në minutën e fundit Rakitic vuri në provë serioze portierin danez me një gjuajtje të fortë nga brenda zonës, por Schmeichel u tregua në gatishmëri.
Në pjesën e dytë të dy skuadrat bëheshin gjithnjë e më të kujdesshme ndërsa minutat kalonin, pasi asnjëra nuk dëshironte të rrezikonte pësimin e një goli që do të ishte fatal për secilën prej skuadrave. Faullat dhe ndërhyrjet e ashpra i zunë vendin aksioneve të rrjedhshme të pjesës së parë ndërsa të dy palët përpiqeshin të fitonin me muskuj këtë ndeshje tepër të ekulibruar.
Nicolai Jorgensen, i futur në vend të Kornelius, pati një mundsi të mirë në mes të pjesës së dytë por gjuajtja e tij ishte shumë e dobët për të trembur Subasic dhe ndoshta sulmuesi mund të kishte pasuar te dy shokë të pa markuar në të majtë të tij.
Ivan Rakitic pati një mundësi të mirë në minutën e 91-të por gjuajtja e tij nga jashtë zone përfundoi jashtë për pak. Ndërsa Bratëhite bëri përpjekjen e fundit të danezëve me një gjuajtje nga jashtë pas një topi të grushtuar nga Subasic.
