Lëvizja Socialiste për Integrim tashmë ka një deputet më pak. Robert Bitri, i zgjedhur deputet me votat e LSI në qarkun e Fierit, është larguar nga grupi parlamentar i LSI-së dhe është rregjistruar si deputet i pavarur.
E pyetur për këtë çështje, kryetarja e LSI Monika Kryemadhi tha se “Edi Rama ka kohë që mundohet të joshë politikanë, gazetarë dhe biznese, që i përdor dhe pastaj i flak”, duke lënë të kuptohet se edhe Bitri “është blerë” nga ana e Kryeministrit.
Zonja Kryemadhi theksoi se çështja e konvertimit të mandateve është bërë demode, por Rama sado që të bleje nuk do të arrijë të shpëtojë dot nga rruga e zullumit ku është futur. Ai i ka numrat në parlament por janë lëvizje që i bën për të tërhequr vëmendjen e opinionit publik.”
Jo pa ironi, Kryemadhi i uroi “suksese” Bitrit në bizneset e tij.
