Lajme të mira për të gjithë ata që pushimet do t’i nisin në muajin korrik. Sipas Meteoalb, temperaturat do të shënojnë rritje, dhe moti do të dominohet nga kthjellime.
Kryesisht në zonat malore priten rrebeshe të shkurtra, por nuk do të ndikojnë te temperaturat, pasi maksimalet do shënojnë mbi 35°C.
Ditën e premte datë 29 qershor moti do të jetë i paqëndrueshëm me alternime kthjellimesh në ultësirën perëndimore në orët e para të ditës, dhe sërish mesdita do të rikthejë rreshje shiu në formën e rrebesheve dhe stuhive të izoluara.
Era do të jetë me drejtim jugperëndim (SË) me shpejtësi 8 m/sek në bregdetin e Adriatikut. Valëzimi do të jetë i forcës 2 me lartësi vale 0,3 deri në 0,5 metër në det të hapur. Temperaturat do të jenë pa ndryshime të ndjeshme.
Temperaturat min dhe max
Zonat malore 11/20°C
Zonat e ulëta 16/26°C
Zonat bregdetare 17/26°C
