Mesfushori i Anglisë, Fabian Delph, ka luajtur në humbjen e djeshme me rezultatin 0-1 ndaj Belgjikës, falë shumë ndryshimeve që erdhën nga trajnerin Southgate.
Megjithatë Delph ka vendosur të largohet nga Rusia dhe të rikthehet në shtëpi për disa ditë për arsye familjare.
Gruaja e tij do të sjellë në jetë fëmijën e tretë në lidhjen e çiftit dhe ai nuk mund të mungonte në këtë moment kaq të rëndësishëm.
Mesfushori anglez ka marrë lejen e trajnerit të Kombëtares dhe do të rikthehet sërish në Botërorin e Rusisë, për të qenë i gatshëm për takimet e radhës.
Për momentin, është familja ajo që ka rëndësinë dhe vëmendjen kryesore.
