Ministria e Brendshme dhe Policia janë munduar të fshehin ngjarjen e rëndë të ndodhur në ambientet e Gardës së Republikës. Burime nga policia kanë bërë të ditur se është duke u përforcuar pista e vrasjes dhe po bie ajo e vetëvrasjes.
Të njëjta burime thonë se në vendin e ngjarjes janë gjetur më shumë se 1 plumb. Bëhet fjalë për 7 plumba që janë gjetur në mur dhe një plumb në kokë të 31-vjeçarit Shkëlzen Qordja.
(Ambientet e Gardës së Republikës ku ndodhi ngjarja)
Deri më tani nga policia dhe Ministria e Brendshme mungojnë detaje zyrtare në lidhje me këtë ngjarje të rëndë të ndodhur mëngjesin e sotëm në ambientet e Gardës së Republikës.
