Pak ditë më parë kryeministri Edi Rama publikoi në faqen e tij në Facebook dy numra llogarie për të kontribuar për dy lojtarët Granit Xhaka dhe Xherdan Shaqiri, pas festimit me shqiponjë në ndeshjen me Serbinë.
Sot, kreu i qeverisë reagoi në rrjetet sociale duke thotë se misioni për të ndihmuar dy lojtarët shqiptarë që i dhanë fitoren Zvicrës kundër Serbisë është kryer.
“U kry, faleminderit të gjithëve,” shkruan Edi Rama por në mënyrë të pashpjegueshme nuk tregon shumën ekzakte të fondeve të mbledhura.
Siç dihet FIFA gjobiti dy lojtarët shqiptarë që luajnë për ngjyrat e Zvicrës me nga 10 mijë franga zvicerane secilin.
