Ka arritur në gjithsej 26 numri i amerikanëve të cilët kanë shfaqur probleme shëndetësore në Kubë.
Dy rastet e fundit kanë shfaqur simptoma të njëjta me ato të raportuara nga disa pjesëtarë të komunitetit diplomatik amerikan në Havanë, dhe janë të parat që nga gushti i 2017.
Simptomat përfshijnë humbje të dëgjimit, tringëllimë në vesh, marramendje, dhimbje koke dhe lodhje, model ky që konsiston me një “lëndim të butë traumatik të trurit”.
Ekspertët amerikanë ende do të përcaktojnë se kush apo çfarë qëndron pas sëmundjes misterioze, që ka nisur në fund të vitit 2016.
Zyrtarët kubanë, të cilët po kryejnë hetimet e tyre, kanë hedhur poshtë çdo përfshirje apo njohuri mbi atë se çfarë qëndron pas këtyre rasteve.
Uashingtoni vitin e kaluar e zvogëloi dukshëm stafin e ambasadës amerikane në Havanë dhe në tetor dëboi 15 diplomatë kubanë.