Një deklaratë e fortë kjo e bërë nga Pavlina Mani, aktorja e dashur e publikut shqiptar, njëherazi bashkëshortja e Pirro Manit, “babait” të Teatrit shqiptar. Ditën e djeshme u publikua një letër që mbante firmën e 65 artistëve të cilët ishin për prishjen e teatrit.
Mes firmëtarëve ishte dhe çifti Pirro e Pavlina Mani, POR kjo e fundit ka përgënjeshtruar gjithçka. Në një prononcim për gazetën Shekulli, aktorja ka pohuar ser bashkëshorti i saj është i sëmurë, ka 10 vjet që s’ka lëvizur nga Amerika dhe nuk ka se si të ketë firmosur këtë letër dërguar Metës, Ruçit.Kumbaros, Ramës e Veliajt.
“Përderisa në këtë punë ka futur hundët politika, ne nuk prononcohemi për asgjë, Pirro Mani ka 10 vjet që s’ka lëvizur nga Amerika. E cfarë firme mund të ketë vënë ai kur s’është këtu. Lereni të qetë se është në fund të viteve të jetës së tij, është i sëmurë. Ne nuk merremi me këto gjata, aty në plan të parë nuk është çështja te ndërtimi i teatrit, aty bëhet luftë politike, ne jemi kundër politikës. Me asnjë parti nuk jemi, si Pirro si unë. Ne jemi artistë nuk jemi politikanë.
Ne jemi për teatër të ekzistojë teatri. Të ekzistojë edhe një teatër të ri, godinë e re, të ekzistojnë 2-32 Teatro për siç e ka gjithë bota”, është shprehur Pavlina Mani.
