Ambasadorja e BE-së Romana Vlahutin ka vlerësuar pozitivisht vendimin e dhënë dje nga ana e këshillit të Europës. Sipas saj pozitive është: Njohja e rekomandimit e të gjithë punës, kalendari i qartë dhe nisja e menjëhershme e punës.
Mes të tjerave Vlahutin është shprehur se ambasadori i ri do të na tregojë më shumë lidhur me hapat që do të ndërmerren në kuadër të integrimit.
‘Të gjithë keni mundësi për të parë vendimin dhe ky është vendimi. Mund të jetë pak i komplikuar në gjuhën që përdor BE por do të përpiqem ta thjeshtoj. Shqipëria ka marrë tre gjëra shumë të rëndësishme pozitive.
E para: Njohja e rekomandimit e të gjithë punës.
E dyta: Është një kalendar i qartë. Kjo është shumë e rëndësishme dhe nuk duhet të diskutojmë data
E treta: Këshilli i Çështjeve të Përgjithshme ka pranuar që Komisioni të nisë punën përgatitore
Kjo punë përgatitore është mjaft e madhe dhe kërkon kohën e saj. Kur bëhet fjalë për elemente e detaje do i ndaj me ju por është një punë që kryhet nga BE.
Ky është kalendari, qershori i ardhshëm, në ditët në vijim do të kemi më shumë detaje. Një pjesë e të cilave do të bëhen të ditura dhe nga ambasadori i ardhshëm. Unë dhe stafi dhe të gjithë ne që jemi duke punuar në BE jemi shumë të lumtur’, u shpreh Vlahutin.
