Pas vendimit të Ministrave të Jashtëm të BE-së, për të shtyrë sërish hapjen e negociatave për Shqipërinë, ka ardhur dhe reagimi i Shoqatës ‘OMONIA’.
Me anë të një deklarate për mediat ‘OMONIA’ ka fajësuar qeverinë Rama për mos arritjen e objektivave, kjo për shkak të mos impenjimit në detyrat e saj.
Ja deklarata e OMONIA-s:
Integrimi Europian kërkon guxim politik, ndryshim të mentalitetit dhe transformime në sjelljet shtetërore kundrejt të drejtave të njeriut dhe minoriteteve etnike.
Dëshpërim dhe shqetësim shkakton impotenca e klasës politike të vendit në mënyrë që të bëhet e mundur çelja e proceseve negociuese me Bashkimin Europian për përfshirjen e Shqipërisë. Inercia politike dhe kryesisht mungesa e impenjimit të Qeverisë Rama në realizimin e reformave të nevojshme sollën për pasojë rezultatin e trishtë të anulimit të avancimit. Ky zhvillim është diametralisht i kundërt me aspiratat e shoqërisë në Shqipëri dhe gjithashtu me nevojën reale të vendit në mënyrë që mbetet e angazhuar në vizionin Europian që i garanton koherencë, siguri dhe shpresë prosperiteti. Përgjegjësia rëndon qeverinë dhe e ka për detyrë ta marr atë përsipër.
Si Minoritet Etnik Grek kemi shumë arsye për të mbështetur këtë ecuri të vendit drejt BE. Për sa kohë procesi mbetet i hapur aq ka për të avancuar edhe rehabilitimi i shtetit të së drejtës dhe barazisë para ligjit në vend,gjë kjo që qartazi ka ndikimin e vetë pozitiv në përmirësimin e pozitës së pjesëtarëve të MEG. Për më tepër angazhimi i fortë pas idealit Europianist përkul mentalitetet dhe praktikat nacionaliste që në radhë të parë rëndojnë pozitën e minoriteteve etnike. Edhe më tej akoma kjo perspektivë është që pakëson ndikime mbi mirëfunksionimin e shtetit nga vende dhe regjime të treta jo plotësisht demokratike.
Si OMONOIA do të vijojmë të mbështesim çfarëdo përpjekje që orientohet në drejtim të përshpejtimit të proceseve për çeljen e dialogut integrues të organeve institucionale të BE me Shqipërinë. Ndihemi të sigurt për këtë perspektivë të evoluimit ngaqë edhe Greqia si faktor bazik dhe avokat thelbësor i nevojës që edhe vendet e tjera të rajonit të Ballkanit të integrohen në BE. Për Shqipërinë në mënyrë të posaçme, Athina jo vetëm në retorikë mbështet por edhe kontribuon thelbësisht në mënyrë që orientohen drejt përparësitë reformuese dhe të arrihet në implementimin e tyre.
Integrimi Europian kërkon dhe inspiron guxim politik, ndryshim mentaliteti dhe transformime në sjelljet e shtetit ndaj të drejtave të njeriut dhe minoriteteve etnike dhe kjo duket se transfigurimi aktual i gjendjes politike e ka të pamundur ta manifestojë.
Zyra e Shtypit dhe Komunikimit
Sarandë, më 27 Qershor 2018
