Lulzim Basha duke folur në një konference për mediat tha sot se negociatat nuk janë hapur edhe pse qeveria tenton të zbusë situatën. Sipas tij, Këshilli Europian nuk do ta shqyrtojë fare nesër cështjen e hapjes së negociatave dhe e ka shtyrë këtë vendimmarrje të paktën për një vit për në qershor 2019.
Sakaq Basha i është përgjigjur edhe pyetjeve të gazetarëve në konferencen që po mban në selinë e PD.
Një ndër pyetjet, ishte se ambasadorët Romana Vlahutin dhe Donald Lu e përshëndetën vendimin e ministrave të Jashtëm të BE.
Basha në fillim tha se nuk i komenton drejpërdrejt deklaratat e ambasadorëve dhe diplomatëve të huaj në vendin tonë, por më pas shtoi:
“Mos-hapja e negociatave është edhe dështim i atyre që dhanë “dëshmi të rreme” për gjendjen reale të Shqipërisë”.
“Dështim i atyre që nuk panë drogën, krimin dhe korrupsionin. Në Europë nuk hyhet me mashtrime dhe gënjeshtra”, shtoi ai.
