Rikardo Kaka është ndër ata që ka arritur ta festojë më Kupën e Botës, edhe pse në vitin 2002, herën e fundit kur Brazili e bëri të vetën, ai nuk ishte një prej protagonistëve kryesorë.
Kur ai u bë lideri i ekipit, skuadra nuk ia doli të shkëlqente, as në vitin 2006 dhe as në vitin 2010. Por ish-futbollisti mendon se tani ka ardhur koha që Brazilit të kthehet ku i takon dhe parashikon “seleçaon” në finalen e turneut.
“Nuk di ende se si janë kryqëzimet e mundshme por do të më pëlqente shumë një finale e Brazilit tim me Belgjikën, ose me Francën. Do të ishte shumë spektakolare”, theksoi ai, shkruan Vip Sport.
Sipas Kaka, ky Botëror ka treguar nivel nga skuadra të ndryshme.
“Unë për vete shoh shumë cilësi në fushë. Belgjika në dy ndeshjet e para ka luajtur një futboll të shkëlqyer, shumë spektakolar. Më ka pëlqyer Franca,
Gjermania ka pasur pak vështirësi, ka vuajtur, por është gjithmonë aty dhe e përmirëson gjithmonë veten dhe lojën. Ajo është e rrezikshme.
Pastaj kam parë një Portugali të mirë dhe Spanjën e zakonshme”, ishte analiza e brazlianit i cili i dha fund këtë vit karrierës si futbollist.
