Cardi B zbuloi së fundmi se ishte martuar fshehurazi me reperin nga grupi Migos, Offset, në shtatorin e vitit të kaluar.
Por a mund ta imagjinoni vendin ku ka ndodhur kurorëzimi?
Siç kanë treguar burime të TMZ, çifti u martua në dhomën e gjumit, ku i pranishëm ishte vetëm kushëriri i reperes 25-vjeçare dhe prifti.
Ishte një vendim i shpejtë nga të dy, prandaj nuk kishte kohë as për unaza e as dasmë.
Edhe pse nuk ishte ceremoni madhështore, sipas TMZ, thuhet se Offset do të organizojë një dasmë të madhe pasi Cardi B të sjellë në jetë fëmijën e tyre.
