Nga Boldnews.al
Kush mendoi se artistët e kishin vënë Lali Erin me shpatulla prej muri në luidhje me shembjen e Teatrit Kombëtar, duket se gaboi shpejt, sepse Lali Eri po arrin t’i fusë në kurthin e ngritur prej tij në debate që kanë për qëllim vetëm; shmangien e vëmendjes nga shtatë kullat në qendër të Tiranës. Edhe sot kryebashkiaku Veliaj mbajti një takim ose “dëgjesë publike” me specialistë të ndryshëm në lidhje me projektin mbi teatrin e ri. Pjesa më e madhe e diskutantëve ishin arkitektë të përzgjedhur nga Veliaj dhe drejtorë institucionesh të instruktuar prej tij.
Arkitektët që kanë lidhje direkte me bashkinë, pasi paraqesin projekte për ndërtimet e shumta në Tiranë, u rreshtuan në krahë të Lali Erit dhe u futën në garë se kush e kush ta merrte fjalën i pari dhe të ligjëronte diskutimin e diktuar nga kryebashkiaku Veliaj. Që të gjithë “argumentonin” se Teatri Kombëtar nuk mund të rikonstruktohet, por duhet shembur përfundimisht, për ti lënë vendin një godine të re, që do ishte edhe më e bukur nëse pranë saj do ngrihen shtatë kulla.
Si mjeshtër i lindur në krijimin e konfuzionit, debatit pa thelb dhe shkëputjes së vëmendjes për të arritur një qëllim të caktuar, Veliaj arriti të përçajë aktorët. Tashmë një pjesë e tyre janë renditur në mbështetje të Lali Erit, ndërsa të tjerë ende janë të vendosur për të mos lejuar prishjen e godinës së Teatrit Kombëtar. Në fillim kryebashkiaku tentoi të joshte të pabindurit dhe në pamundësi për ta bërë këtë ka kaluar në planin “B”, që është kurthi i ngritur nga ai vetë për ti etiketuar aktorët kundër si të lidhur me opozitën.
Për të treguar “prova” kishte vendosur pas çdo zëri kundër hafijet e tij që përgjonin mesazhet letefonike që shkëmbenin aktorët apo përfaqësusist e sindikatës së tyre që kanë kundërshtuar haptas prishjen e teatrit. Në fund të diskutimeve krejt të parashikuara, Lali Eri etiketoi një pjesë të artistëve si të lidhur me opozitën. Me këtë tymnajë Veliaj po bën gati të hedhë firmën në ngritjen e shtatë kullave pare pranë teatrit dhe në fund do nisë fadromat për të prishur godinën historike si për nga arkitektura ashtu edhe vlerat artistike dhe morale që ka mbajtur ndër vite.
