“Luzhniki Stadium” është gati për të pritur ndeshjen e fundit të Grupit C, me Danaimarkën e vendit të dytë që do të sfidojë Francën, e cila e ka siguruar një vend në raundin pasardhës.
Një barazim do të ishte i mjaftueshëm për danezët, por një fitore do t’i nxirrte ata në vendin e parë. Danimarka e nisi shumë mirë ndeshjen e dytë të grupit kundër Australisë, por ka qenë e detyruar të kënaqet me një barazim në fund pas ndërhyrjes së “VAR”, që i dha një penallti australianëve.
Një vendim ky që shkaktoi zemërimin e kapitenit të ekipit, Christian Eriksen, i cili nuk i përmbajti kritikat ndaj teknologjisë në fund të ndeshjes. Ndërkohë, 20 vite më parë, Franca fitoi Kupën e Botës në shtëpi, duke fituar të gjitha ndeshjet e grupit.
Një nga ato ndeshje ka qenë kundër Danimarkës, e mundur 2-1, por francezët do të duan të hakmerren për eliminimin që danezët i shkaktuar atyre ne 2002-in.
Janë dy lojtarët që duhen mbajtur nën vëzhgim në këtë ndeshjes: Christian Eriksen ka shënuar 13 gola (plus pesë asiste) në 15 ndeshjet e fundit që ka luajtur për Danimarkën dhe do të jetë rreziku më i madh për mbrojtjen franceze.
Tjetri do të jetë Kylian Mbappe, i cili u bë lojtari më i ri i Francës që shënon gol në një kompeticion madhor pas realizimit kundër Perusë.
Shifra dhe Fakte
– Këto dy skuadra nuk ndeshen që nga 2002-shi, me Francën që ka fituar gjashtë ndeshje dhe ka humbur një.
– Vetëm një nga ato shtatë përballje kanë parë të dy skuadrat të shënojnë gol.
– Danimarka ka regjistruar një mesatare prej 0.83 golash për ndeshje në gjashtë takimet e fundit.
– Asnjë nga 11 përballjet e fundit direkte nuk janë mbyllur në barazim, me Francën që ka barazuar vetëm katër nga 20 ndeshjet e fundit që ka luajtur kundër të gjithë kundërshtarëve.