Ish-ylli i Serie A Juan Sebastian Veron pretendon se Lionel Messi nuk është Diego Maradona teksa ylli i Barcelona-s nuk mund të jetë një lider si legjenda e Napolit.
Veron ka luajtur me të dy ikonat e Argjentinës gjatë karrierës së tij, e cila e ka çuar te Sampdoria, Parma, Lazio dhe Inter në Itali, dhe ish-mesfushori i amerikano-jugorëve ka sugjeruar se vendi i tij e kishte gabim të priste një udhëheqje si ajo e Maradona-s nga Messi.
“Mund të them se Messi nuk është Maradona pasi kam luajtur me të dy,” shprehet ai për Gazzetta dello Sport.
“Maradona ishte një forcë shtytëse, një pikë reference dhe dikush tek i cili mund të kishe besim.
“Messi, në krahun tjetër, është një djalosh i turpshëm. Ai nuk është një lider. Nuk e vë në dyshim aftësinë e tij teknike por kualitetet e karakterit të tij.”
